११वी विशेष फेरी १ वेळापत्रक २०२६ जाहीर | FYJC Special Round 1 (Open to All) Dates & Full Schedule

जर तुम्ही अजूनही ११वीला प्रवेश मिळवण्याची वाट पाहत असाल - तर आता मोठी संधी आली आहे. शिक्षण संचालनालय (माध्यमिक व उच्च माध्यमिक), महाराष्ट्र राज्य, पुणे यांनी इयत्ता ११वी केंद्रीय ऑनलाईन प्रवेश प्रक्रिया सन २०२६-२७ साठी विशेष फेरी १ (ओपन टू ऑल) चे अधिकृत वेळापत्रक दिनांक २५ जून २०२६ रोजी जाहीर केले आहे. विशेष फेरी १ म्हणजे काय? नियमित CAP फेऱ्यांनंतर जिथे अजूनही जागा रिक्त आहेत, अशा महाविद्यालयांमध्ये पुन्हा एकदा प्रवेशाची संधी दिली जाते. "ओपन टू ऑल" म्हणजे नवीन विद्यार्थ्यांनाही आता नोंदणी करता येईल.

आधीच्या फेऱ्यांची संपूर्ण माहिती येथे वाचा:  ११वी CAP Round वेळापत्रक २०२६ - संपूर्ण माहिती

विशेष फेरी १ - एका नजरेत संपूर्ण वेळापत्रक

अ.क्र.	कार्यवाही	महत्त्वाच्या तारखा
१	नोंदणी, पसंतीक्रम अर्ज भरणे व लॉक	२९ जून (दु. ३:०० वा.) ते ०१ जुलै २०२६ (सा. ६:०० वा.)
२	अलॉटमेंट प्रोसेस (अंतर्गत)	०२ जुलै ते ०३ जुलै २०२६
३	विशेष फेरी-१ निकाल जाहीर	०३ जुलै २०२६ - दुपारी ३:०० वाजता
४	प्रवेश निश्चित करणे	०३ जुलै (दु. ४:०० वा.) ते ०६ जुलै (सा. ६:०० वा.)
५	पुढील फेरीचे वेळापत्रक जाहीर	०६ जुलै २०२६ -सायंकाळी ६:०० वाजता
६	कनिष्ठ महाविद्यालय संबंधित कामकाज	०७ जुलै २०२६ - सायंकाळी ५:०० वाजेपर्यंत
७	रिक्त जागा प्रदर्शित	०८ जुलै २०२६ - दुपारी ३:०० वाजता

वेळाकपत्र Download करा 

११वी विशेष फेरी १ वेळापत्रक २०२६ जाहीर टप्पा १ - नोंदणी आणि पसंतीक्रम अर्ज

कालावधी: २९ जून २०२६ दुपारी ३:०० वाजल्यापासून ते ०१ जुलै २०२६ सायंकाळी ६:०० वाजेपर्यंत 

CAP प्रवेशासाठी (सामान्य विद्यार्थी):

1. नवीन विद्यार्थ्यांसाठी: ज्यांनी अद्याप नोंदणी केली नाही, त्यांनी भाग-१ मध्ये नवीन नोंदणी करावी.
2. आधीच नोंदणी केलेल्यांसाठी: भाग-१ मधील आवश्यक दुरुस्ती आणि भाग-२ मध्ये पसंतीक्रम अर्ज भरावा.
3. किती महाविद्यालये भरता येतात? किमान १ आणि जास्तीत जास्त १० कनिष्ठ महाविद्यालये - जितके जास्त पर्याय, तितकी प्रवेश मिळण्याची शक्यता अधिक!
4. गुणानुसार वाटप: विद्यार्थ्यांना त्यांच्या पसंतीक्रम, गुण आणि आरक्षणानुसार कनिष्ठ महाविद्यालय दिले जाईल.

प्रवेश अर्ज लॉक करणे अनिवार्य आहे.

11वी चा Form कसा भरायचा ते step-by-step जाणून घ्या: ११वी ऑनलाईन प्रवेश अर्ज Part 1 - संपूर्ण मार्गदर्शन

Quota प्रवेशासाठी (कोटा विद्यार्थी): 

ज्यांना व्यवस्थापन कोटा, संस्था अंतर्गत प्रवेश कोटा किंवा अल्पसंख्याक कोटा अंतर्गत प्रवेश हवा आहे:

• भाग-१ मधील नोंदणी / दुरुस्ती करावी
• कोटा पसंतीक्रम ऑनलाईन नोंदवावे व लॉक करावे

विशेष महत्त्वाचे: विशेष फेरी-१ मध्ये कोटांतर्गत प्रवेशासाठी कोटा पसंती अर्ज पुन्हा लॉक करणे आवश्यक आहे.

जर तुम्ही आधीच्या फेऱ्यांमध्ये Quota अर्ज लॉक केला असेल, तरी विशेष फेरी-१ साठी पुन्हा एकदा लॉक करावे लागेल. हे विसरू नका!

FYJC Special Round 1 टप्पा २ - अलॉटमेंट प्रोसेस

कालावधी: ०२ जुलै ते ०३ जुलै २०२६

ही अंतर्गत प्रक्रिया आहे - यावेळी विद्यार्थ्यांना कोणतीही कार्यवाही करायची नाही. शिक्षण संचालनालय गुणानुसार आणि पसंतीक्रमानुसार वाटप करते. फक्त निकालाची वाट पाहायची.

टप्पा ३ - विशेष फेरी-१ निकाल जाहीर

तारीख: ०३ जुलै २०२६ - दुपारी ०३:०० वाजता

CAP प्रवेशासाठी निकाल:

1. पोर्टलवर प्रत्येक कनिष्ठ महाविद्यालयाची वाटप यादी प्रदर्शित होईल
2. विद्यार्थ्यांच्या स्वतःच्या Login मध्ये वाटप झालेल्या महाविद्यालयाचे तपशील दिसतील
3. प्रवेश फेरीसाठी Cut-Off यादी पोर्टलवर प्रसिद्ध केली जाईल
4. विद्यार्थ्यांना SMS द्वारे संदेश पाठवला जाईल

Quota प्रवेशासाठी:

• कोटांतर्गत अर्ज केलेल्या विद्यार्थ्यांची वाटप यादी Login मध्ये दिसेल
• In-House, व्यवस्थापन, अल्पसंख्याक कोटा गुणवत्ता यादी/निवड यादी प्रसिद्ध होईल

टीप: निकाल लागल्यावर लगेच Login करा आणि तुमचा Status तपासा. SMS येण्याची वाट न पाहता Portal वर स्वतः जाऊन पाहा.

टप्पा ४ - प्रवेश निश्चित करा (Proceed for Admission)

कालावधी: ०३ जुलै २०२६ दुपारी ०४:०० वाजल्यापासून ते ०६ जुलै २०२६ सायंकाळी ०६:०० वाजेपर्यंत. हा सर्वात महत्त्वाचा टप्पा आहे. निकाल लागल्यावर फक्त बघून बसू नका - ताबडतोब पुढील steps करा:

CAP विद्यार्थ्यांसाठी:

Step 1 - Portal वर "Proceed for Admission" करा: वाटप केलेल्या महाविद्यालयास सहमत असल्यास Portal वर Login करून "Proceed for Admission" वर क्लिक करा.
Step 2 - महाविद्यालयात प्रत्यक्ष जा: कागदपत्र पडताळणीसाठी वाटप केलेल्या महाविद्यालयात स्वतः उपस्थित राहणे आवश्यक आहे. सर्व Original Documents सोबत घेऊन जा.
Step 3 - शुल्क भरा: विहित शुल्क भरणे आणि आवश्यक फॉर्म भरणे या गोष्टीही करा.
Step 4 - प्रवेश निश्चित करा: महाविद्यालय Login वर तुमच्या प्रवेशाची पुष्टी करेल. महाविद्यालय नकार किंवा रद्द ही करू शकते - त्यामुळे उशीर करू नका!

Quota विद्यार्थ्यांसाठी:

• महाविद्यालय तुम्हाला निवड झाल्याबद्दल संपर्क करेल
• स्वतः महाविद्यालयात जाऊन प्रवेश निश्चित करा
• सर्व कागदपत्रांची पडताळणी होईल

टप्पा ५ - पुढील फेरीचे वेळापत्रक

तारीख: ०६ जुलै २०२६ - सायंकाळी ०६:०० वाजता. विशेष फेरी-१ नंतर अजूनही जागा शिल्लक राहिल्यास पुढील प्रवेश फेरीचे वेळापत्रक ०६ जुलै रोजी जाहीर केले जाईल.

११वी Part 2 Form आणि पुढील वेळापत्रक याबद्दल अधिक माहितीसाठी:  ११वी प्रवेश २०२६ Part 2 Form Timetable

टप्पा ६ - कनिष्ठ महाविद्यालय संबंधित कामकाज

तारीख: ०७ जुलै २०२६ - सायंकाळी ०५:०० वाजेपर्यंत. कनिष्ठ महाविद्यालयांनी या तारखेपर्यंत सर्व संबंधित कामकाज पूर्ण करणे आवश्यक आहे.

तारीख: ०८ जुलै २०२६ - दुपारी ०३:०० वाजता. विशेष फेरी-१ नंतर कोणत्या महाविद्यालयांमध्ये किती जागा शिल्लक आहेत ते ०८ जुलै रोजी पोर्टलवर प्रदर्शित केले जाईल. पुढील फेरीसाठी हे उपयोगी ठरेल.

FYJC Special Round 1 - संपूर्ण तारीख कॅलेंडर

तारीख	वेळ	महत्त्वाची कार्यवाही
२९ जून २०२६	दुपारी ३:००	नोंदणी / पसंतीक्रम अर्ज सुरू
०१ जुलै २०२६	सायंकाळी ६:००	नोंदणी बंद - अर्ज लॉक करणे अनिवार्य
०२-०३ जुलै	-	अलॉटमेंट प्रोसेस (अंतर्गत)
०३ जुलै २०२६	दुपारी ३:००	विशेष फेरी-१ निकाल जाहीर
०३ जुलै २०२६	दुपारी ४:००	प्रवेश प्रक्रिया सुरू
०६ जुलै २०२६	सायंकाळी ६:००	प्रवेश मुदत संपते + पुढील फेरी जाहीर
०७ जुलै २०२६	सायंकाळी ५:००	College कामकाज पूर्ण
०८ जुलै २०२६	दुपारी ३:००	रिक्त जागा प्रदर्शित

प्रवेशासाठी आवश्यक कागदपत्रे - आधीच तयार ठेवा

महाविद्यालयात जाताना हे सर्व Original + Photocopy सोबत ठेवा:

1. दहावीची मार्कशीट (SSC / Board)
2. शाळा सोडल्याचा दाखला (School Leaving Certificate)
3. आधार कार्ड
4. जातीचा दाखला (लागू असल्यास)
5. उत्पन्नाचा दाखला (लागू असल्यास)
6. अधिवास प्रमाणपत्र (Domicile Certificate)
7. पासपोर्ट साईज फोटो - किमान ४
8. Allotment Letter (Portal वरून Print काढा)

FYJC Transfer Module - ११वी ते १२वी बदली हवी आहे?

जर तुम्ही आधीच ११वीला प्रवेश घेतला आहे आणि आता महाविद्यालय बदलायचे आहे किंवा शाखा बदलायची आहे (जसे विज्ञान ते वाणिज्य), तर त्यासाठी वेगळी FYJC Transfer Module प्रक्रिया आहे.

  FYJC to SYJC Transfer Module - संपूर्ण मार्गदर्शन येथे वाचा

महत्त्वाच्या सूचना - या चुका करू नका

1. सूचना १ - अर्ज लॉक करणे अनिवार्य पसंतीक्रम भरल्यानंतर अर्ज लॉक करणे अनिवार्य आहे. लॉक न केलेला अर्ज ग्राह्य धरला जाणार नाही.
2. सूचना २ - Quota विद्यार्थ्यांनी पुन्हा लॉक करावे विशेष फेरी-१ साठी Quota पसंती अर्ज पुन्हा लॉक करणे आवश्यक आहे - जरी आधीच्या फेऱ्यांमध्ये लॉक केले असले तरी.
3. सूचना ३ - वेळेचे काटेकोर पालन प्रत्येक टप्प्यासाठी ठरविलेल्या वेळेत कार्यवाही पूर्ण करा. ०१ जुलैनंतर अर्ज बंद. ०६ जुलैनंतर प्रवेश बंद.
4. सूचना ४ - जास्त पर्याय भरा पसंतीक्रम भरताना शक्य तितके जास्त महाविद्यालये भरा (जास्तीत जास्त १०). एक-दोन पर्याय भरून थांबू नका.
5. सूचना ५ - Mobile Number सुरू ठेवा SMS notification registered mobile वर येतो - तो नंबर सुरू आणि Active असणे आवश्यक आहे.
6. सूचना ६ -पालकांनी सोबत यावे महाविद्यालयात कागदपत्र सादर करताना पालकांनी सोबत असणे उत्तम.

निष्कर्ष 

विशेष फेरी १ (ओपन टू ऑल) ही नियमित CAP फेऱ्यांमध्ये प्रवेश न मिळालेल्या विद्यार्थ्यांसाठी शेवटची मोठी संधी आहे.

लक्षात ठेवा - तारखा:

• २९ जून - नोंदणी सुरू (दु. ३:००)
• ०१ जुलै - अर्ज लॉक मुदत (सा. ६:००)
• ०३ जुलै - निकाल (दु. ३:००)
• ०३-०६ जुलै - प्रवेश निश्चित करण्याची मुदत
• ०८ जुलै - रिक्त जागा जाहीर

अधिकृत स्रोत: शिक्षण संचालक (माध्यमिक व उच्च माध्यमिक), म. रा. पुणे - डॉ. माधव पालकर दिनांक: २५ जून २०२६

अधिकृत पोर्टल आणि प्रवेश प्रक्रियेसाठी:

Click Here to See Full Details - mahafyjcadmissions.in

आमच्या इतर उपयुक्त लेखांसाठी:

• ११वी CAP Round संपूर्ण वेळापत्रक
• ११वी प्रवेश अर्ज Part 1 — कसा भरायचा?
• FYJC Transfer Module — कॉलेज/शाखा बदल
• Part 2 Form आणि वेळापत्रक

वारंवार विचारले जाणारे प्रश्न (FAQ)

प्र. FYJC विशेष फेरी १ नोंदणी कधी सुरू होते?
उ. २९ जून २०२६ दुपारी ३:०० वाजल्यापासून — mahafyjcadmissions.in वर.

प्र. FYJC Special Round 1 निकाल (Allotment) कधी जाहीर होतो?
उ. ०३ जुलै २०२६ दुपारी ३:०० वाजता पोर्टलवर.

प्र. विशेष फेरी १ मध्ये नवीन विद्यार्थी नोंदणी करू शकतात का?
उ. हो. "ओपन टू ऑल" असल्याने नवीन विद्यार्थीही नोंदणी करू शकतात.

प्र. CAP Round 3 नंतर विशेष फेरी येते का?
उ. हो. नियमित CAP फेऱ्यांनंतर रिक्त जागांसाठी विशेष फेरी राबवली जाते.

प्र. विशेष फेरी १ मध्ये किती महाविद्यालये भरता येतात?
उ. किमान १ आणि जास्तीत जास्त १० कनिष्ठ महाविद्यालये.

प्र. निकालानंतर प्रवेशासाठी किती वेळ आहे?
उ. ०३ जुलै दुपारी ४:०० ते ०६ जुलै सायंकाळी ६:०० वाजेपर्यंत — सुमारे ३ दिवस.

प्र. Quota विद्यार्थ्यांना पुन्हा अर्ज लॉक करावा लागतो का?
उ. हो. विशेष फेरी-१ साठी Quota पसंती अर्ज पुन्हा लॉक करणे अनिवार्य आहे.

प्र. FYJC CAP Round 3 allotment list कुठे पाहायची?
उ. mahafyjcadmissions.in वर Login केल्यावर Dashboard मध्ये Allotment Status दिसतो.

प्र. विशेष फेरी नंतर रिक्त जागा कधी कळतात?
उ. ०८ जुलै २०२६ दुपारी ३:०० वाजता रिक्त जागा पोर्टलवर प्रदर्शित केल्या जातील.